مشاكل الهارد (الباد سيكتور)

كلنا معرضين ان الهارد ديسك الخاص بأجهزتنا ممكن تبوظ او تتعرض للتلف او توقف الميديا تماماً وضياع كل ماتحتويه الميديا الخاصه بالهارد من داتا مهمه .. من أكبر الأعطال اللى بتصيب الهارد ديسك لأى كمبيوتر هى مشكلة (الباد سيكتور) .. ودى مصيبه مش مشكله بسيطه .. لأنها فجميع الأحوال بتعد معاك عد تنازلى فى إنتهاء عمر الهارد ديسك الخاص بك ..

-----------------------------------------------------------------
هنوضح أكتر وهاختصر علشان الموضوع طويل ورخم فحـــت 
-----------------------------------------------------------------
إزاى تعرف ان هاردك مصاب بالباد سيكتور ::: (( هتلاقيه بقى بطئ بشكل مفاجىء مع سماع تككات خفيفه .. بطئ فى التشغيل جداً .. بيسقط نسخ كتير .. بدأت برتشنات متفتحشى معاك دابل كليك .. ممكن كمان ميقبلشى معاك تنزيل نسخ وطالب منك فورمات او تقسيم ))

الهارد ديسك منقسم لجزئين أساساين بيحصل فيهم الأعطال وهما ( البورده - والميديا) ..
------------------
البورده الخاصه بالهارد :::: مشاكلها بسيطه ونسبة حلولها 85% بتتحل أو ممكن تغيرها بدون ضياع الداتا الخاصه بك على الهارد

الميديا :: دى بقى مصيبه الخبطه فيها بفوره وملهاش علاج نهائى وكل المحاولات لتصليحها ما هى إلا عبارة عن عملية (كلين) او تسكين مؤقت ليها لتشغيلها مؤقتاً ثم إنتهاءها تماماً .. ودى اللى بتبقى عليا الداتا بتاعتنا ودى اللى بيجيلها الباد سيكتور

الباد سيكتور ::: ده عبارة عن إصابة اماكن معينه داخل اسطوانة الميديا داخل الهارد ممكن نشبها بالبلدى ( نقر) يعنى بتجيب إبرة خياطه وبتعمل بيها نقر على الاسطوانه المدمجه بتبقى عامله ززى (الحفر) .

اسبابه :: انقطاع التيار الكهربائى بشكل مفاجئ ومتكرر .. أستخدام الاطفال لأن الاطفال بيستسهلوا الخروج من اللعبه يقوموا يعملوا رستارت للجهاز بصفه مستمرة .. إطفاء الجهاز من الكهرباء (الفيشه) بشكل مفاجئ ومباشر دون قفله بالطريقه المعتاده كلنا عارفينها من قائمة إستارت ثم قفل .. كمان ممكن تكون الكيسه شغاله وحضرتك تقوم محركها والهارد شغال ودى لوحده كارثه ... فيه اسباب كمان ظهرت بس على المدى البعيد ززى ممكن الهارد يكون قريبمن مجال مغناطيسى ززى الموبايل مثلاً او سماعه فيها مغناطيس او ماشبه ... دى أشهر الاسباب للإصابه بسرطان الهارد (الباد سيكتور) .

العلاج :: طرق العلاج كتير ومختلفه بس الموخ اللى يفهم وميبوظشى حاجه  .. فيه طرق إحترافيه لمهندسين صيانة الهارد وير بتعتمد على إرجاع الهارد ضبط مصنع (شحن بايوز المصنع) .. او لو البادات بسيطه ممكن عن طريق إسطوانة إسعافات هيرنز بوت 10.5 او ماشابه ليها من اسطوانات خدمية للهارد ديسك (( والطريقه دى صعبه على المستخدم العادى))

فيه طريقه سهله ممكن اى مستخدم يتعامل معها عن طريق بعض البرامج ززى البرنامج ده ((Bad Sector HDD Regenerator)) والرابط بتاعه تورنت أهو بحجم7 ميجا فقط 
------------------------------------------------------
http://torcache.net/torrent/855ABCF30216659D7FD023C6A32A4B095982A87E.torrent?title=[kickass.to]hdd.regenerator.1.71.full.repair.bad.sectors.of.your.hd.rar
------------------------------------------------------
نصيحتى الأخيرة اول ماتعرف ان هاردك عليه باد سيكتور حاول تاخد الداتا المهمه اللى عليه وقسمه من جديده وبيعه وهات مكانوا واحد تانى .. لأنوا بعد فترة زمنية بيقف نهائى وملوش علاج .. وبتبقى الفترة الزمنيه حسب مدى إصابته بالظبط ززى مريض السرطان ( مرحله أولى - مرحلة متوسطه - مرحله سيئه)
--------------------------------------------------